كيف أحقق أكثر من مصدر دخل باستخدام الدروبشيبينغ؟

عالم الدربشيبينغ عالم واسع جدا، أقدر من خلاله أي أحقق أكثر من مصدر دخل بأكثر من طريقة، 

حق اللي مايعرف شنو الدروبشيبينغ تكلمت عنه في بلوق سابق تقدرون تشوفونه المواضيع السابقه قبل لاتكملون هذا الموضوع

ابدأ بزنسك الخاص واجعل رسوماتك تحقق النجاح بدون رأس مال

دروبشيبينغ ومنتج جديد

٥ خطوات للنجاح في الدروبشيبينغ

اشلون أقدر استفيد وأحقق أكثر من مصدر دخل فقط عن طريق دروبشيبينغ؟

باختصار، دروبشيبينغ للفنان هو اني اربط موقعي بموقع مورد لمنتجات أبيها تكون من تصميمي ورسوماتي

هذا الوضع العادي

لكن، ممكن أيضا اني أتعامل بالدروبشيبينغ عن طريق فتح الطلبات الخاصة للعملاء، اشلون؟

حتى تستوعبون الموضوع بشرح لكم طريقة أنا جربتها وهي حلوة جدا 

بداية عندي موقع لمنتجات دروبشيبينغ استخدمت فيها الطريقة اللي شرحتها بدورة الدروبشيبينغ، اللي سجل فيها يعرف شنو هي طريقتي

بعدها، استخدمت طريقة ثانيه ضفتها لعالم الدروبشيبينغ لكن فكرتها تختلف، هالمرة المنتج مو موجود على موقعي ومو مرتبط بالموقع المورد ، والعميل ما طلبه من الموقع

لأني أقدم خدمات تصميم خاصة، طلب مني العميل منتج خاص فيه وهو منشفة المطبخ، لكن بستايل وتصميم معين في باله غير الموجود عندي

وبعد ما اتفقنا على السعر طبعا لأني عارفة السعر من الموقع اللي بطلب منه المنشفة/فوطة ، اتفقنا وتم عمل التصميم وطلب المنتج للعميل والحمدلله أعجبه كثير وبلغني ان يجهز أفكار ثانيه حاب يطلبها لبداية ٢٠٢٤

طيب، اشلون تمت العملية

١- العميل كلمني عن طريق الايميل وسألني إن كنت أقدر أعمل له التصميم اللي في باله وشرح الفكرة بالكامل

٢- بعد ما درست الموضوع وشفت إني أقدر أنفذ طلبه، عطيته الموافقة مع تفاصيل السعر والوقت وشوية أسئلة كنت أحتاجها للتصميم

٣- أرسلت له فاتورة الدفع، وهني استخدمت PayPal لأن عندهم إرسال فواتير وتحصيل مدفوعات، طبعا لأن العميل مو من الكويت

لو كان من الكويت كنت برسل له الفاتورة عن طريقة بوابة الدفع أو البنك

٤- خذا مني التصميم يوم لأن الرسومات جاهزة ومو مستخدمتها من قبل، فغيرت فيها ونسقتها بالطريقة اللي تناسب عميلي

٥- خلال ١٥ يوم وصل المنتج للعميل، والحمدلله عجبه ونجحت عملية البيع وكنت جدا سعيدة فيها

وشي مهم، منشفة المطبخ اللي طلبتها، طلبتها من موقع بريطاني مجربته من قبل وشفت ان الجودة ،  ممتازة وأفضل من جودة كل مناشف/فوط الشاي اللي بالسوق عندنا وهذي خطوة مهمة جدا

وأيضا هذه المنشفة تحمل اسم البراند الخاص فيني

واللي اشترك بدورة تصميم مناشف الشاي، يعرف الموقع اللي تعاملت معاه وطريقتي في تصميم مناشف الشاي ولوحابين تفاصيل الدورة تقدرون تشوفونها 

مع ان السعر يعتبر عالي لمنشفة لكن لانها مخصصة للشخص اللي طلبها، تقبل السعر ودفع وهو مبسوط، طبعا السعر العالي كان سعر الموقع لان بالنسبة لي عندي نسبة ثابته للتصميم وكل فنان وسعره الخاص

بالطريقة هذي، قدرت أدخل مصدر دخل جديد في الدروبشيبينغ، وطبعا أقدر أدخل أكثر وفي أشياء جديدة قادمة باذن الله

بس لاحظوا شي وايد مهم

انا مركزه على صناعة وحدة، منتجات المنزل، يعني في الدروبشيبينغ وأيضا في الموقع الخاص بمنتجاتي اللي أصنعها بنفسي كلها تندرج تحت منتجات المنزل

لهذا السبب صار عندي تركيز على سوق يستهدف عملاء لمنتجات المنزل وهذا يسهل عملية التسويق

لو حابين تتعلمون اشلون سويت كل هذا، تلاقون شرح مفصل في دورة دروبشيبينغ ودورة تصميم مناشف المطبخ

وفي خصم على الدورات حتى تاريخ ٢٦ /٨ /٢٠٢٣ لا تفوتكم الفرصة

دورة دروبشيبينغ

دورة تصميم منشفة المطبخ

ولو ماحملتوا دليل دروبشيبينغ المجاني، تقدرون تحملونه من هذا الرابط

 [email protected] لو أعجبكم الموضوع راسلوني عن طريق الايميل 

 @learn.with.monor أو الانستغرام

عطوني رايكم، و أسئلتكم