دروبشيبينغ ومنتج جديد
May 28, 2023
انتوا تعرفون اني اشتغل بالدروبشيبينغ وشاركتكم قبل هالمرة منتجين طلبتهم وهم
التيشيرت والنوتبوك
ولان تخصصي الاساسي هو منتجات المنزل ، فقررت هالمرة اني اطلب الكوشية واجربها واشوف جودة قماشها قبل لا اطلق متجري الخاص بالدروبشيبينغ
طبعا هي خطوة مو اساسيه للعمل مع هذا الموقع ، لكن انا حبيت اتاكد من جودة منتجاته قبل لا اشتغل فيها لان احب ان منتجاتي تكون بجودة عالية
خذت الطلبية تقريبا اسبوعين ووصلتني عن طريق فيديكس، بعد ما فتحتها الجودة ممتازة وكنت احسب ان السعر لكفر الكوشية بس لكن طلع مع الحشوة بعد
اخترت هذا التصميم لاني اشتغلت فيه للمفارش وحبيت اقارن جودة الالوان
ومثل ماتشوفون الجودة روعه حبيتها حيل
وملمس القماش حلو
فقررت اني اكمل واضيف تصاميم جديدة وفتحت متجري المتخصص بالدروبشيبينغ
لو حبيتو الفكرة تقدرون تتعلمون اشلون عملت المتجر هذا
واشلون ربطته بموقع الدروبشيسبنغ
واشلون انا كفنانه اصنع منتجي الخاص والحصري
كل هذا في دورة الدروبشيبينغ تقدرون تشوفون تفاصيلها
وهذا متجري اللي اطلقته وشغالة على زيادة منتجات بس بحاول ان ما يكون زحمة حتى العميل ما يحتار بالموجود
وحطيت له خطة تجديد شهرية
التصاميم موجودة
وعملية رفعها سهلة ماتاخذ مني وقت
فاقدر اقول ان عندي خطة سنه كامله لمنتجاتي لان التصاميم اساسا جاهزة وممكن ازيد لو حبيت حسب السوق
روعه العمل بالدروبشيبينغ ان
مافي اي مخاطرة لان يا اني اربح من الشغل هذا او لا
مافي خساره
تصميم مامشى سويت غيره
منتج ما عجب الناس بدلته واخترت غيره
جربوا وقولولي رايكم
