ماذا قالوا عن دورة فن تصميم الباترن
بالبداية أحب أنوه لأمر مهم، عند عدم ذكر اسم المتدربة فهذا احترام لخصوصيتها وطلبها بعدم ذكر الاسم
قبل الدورة كنت مشتته بين اني اصمم قماش كباترن وبين اني اصمم منتجات مكتبيه او تشيرتات ودخلت في دوامة اني لازم ادرس كتخصص بالجامعه!🤧عشان اكون بروفشنال يعنني🤣🐥ولما شفت الجامعات في قطر وفي تركيا وسجلت فعلا فيهم،بس المشكله لما شفت مواد التخصص شفتها انها بعيده عن اللي احتاجه بذات اللي فتركيا كان مركز على تصنيع القماش في المصانع!؟ فحسيت الدورة اغنتني وفعلا شي بروفشنال ومرتب ومايحتاج الموضوع جامعه ، وحاليا بديت اسجل في كورسات متخصصة من جامعات مختلفة🤍🌱 وطلع فعلا لما اركز على محتوى واحد ومحدد يخدمني احسن من الضياع في بحر كبير، حاليا انا فخورة باللي وصلته وأنه مشروعي صار ناضج بذهني ومسار خطي واضح وبديت اهتم بانستقرامي اللي كل المتابعين فيه أهم صديقاتي🤣 بس كل يوم عن يوم يكبر واتمنى ابشركم قريب عن تعاون مع فنادق محلات الاثاث والمعارض الفنية 💕وتشوفون لوحاتي💕
أحس بفخر لما حد يعجب بلوحاتي والعبارات والخط العربي🌸 انا فعلا بديت معاج كتصميم باترن ومنتجات ولكن استخدمت المهارات اللي في الدورة للدمج بين الباترن و اللوحات الابسترات والخط 🌸 وعطتني الدورة ثقة في افكاري وأنه البرامج والمصادر موجودة وتساعدنا نشوف افكارنا على أرض الواقع بإذن الله 🌱واهم شي نكون حول ناس قاعده تشتغل نفس مجالنا او قريب منه وتفتح لنا ابواب ثانيه حتى لو كنا مختلفين في المنتج النهائي🌻
لكل وحدة تفكر تشترك بدورة فن تصميم الباترن ،اشجعها أنها تشترك وتتعرف على هالمجتمع الحلو،وحتى لو تحس انها مب جاهزة تسوين منتج الحين وتبيعه او انه عندها فكرة ثانيه بس قريبه من الباترن؛اشجعها أنها تشترك لأنه بتحصل اشياء تلهمها والشي الثاني محتوى الدورة مصدر ومرجع يكون موجود لها دايما في اي وقت واي سنه تقدر ترجع وتستخدمه، والاحلى تواصلج يافاطمة🌸معانا بالإيميل وتشجيعج لنا والهدايا والورش والمصادر المجانيه اللي تجي مع الدورة وكيفية انه فعلا ننزل للسوق او كيف نستخدم الAi في مشروعنا🌻
"عائشة محمد
من تصاميم الفنانة عائشة محمد
مرحبا
أنا مريم ، إحدى متدربات الأستاذة فاطمة في دورة ( فن تصميم الباترن )
وأعتبر هالدورة نقطة تحول في حياتي . تعلم مهارة جديدة هو أمر مؤثر في الحالة النفسية والعقلية للإنسان ، فما بالك إذا كانت في مجال يحبه ويتمناه ! من صغري أحب تصميم الأزياء ، وأحب كل ما يرتبط بها من حقائب وأحذية وأقمشة.
كنت أتخيل رسومات ونقوش وأتمنى أعرف كيف أحولها لأقمشة مطبوعة .لكن ما كنت ألاحظ حضور لهالتخصص في عالمنا العربي، فكان بالنسبة لي مجرد أمنية.
وكم كنت سعيدة بمصادفتي لحساب learn with monor والتعرف على دورة الباترن عند أستاذة فاطمة. والأجمل إنها جت في وقت أنا فيه بأمس الحاجة لما يحدث تغيير في روتين حياتي الرتيب ، ويمنحني طموح وشغف جديد، ويحسسني بالقدرة على أنجاز شيء أحبه . لقيت نفسي في عالم جميل ، صحبة طيبة وعلم مفيد.الدورة دسمة وشاملة
والأستاذة فاطمة إنسانة أمينة ومعطاءة في علمها ورحبة الصدر وحريصة كل الحرص على توجيه متدرباتها ومساعدتهم في فهم كل التفاصيل .
اللايفات الأسبوعية محطة نلتقي فيها ونطرح كل أسئلتنا في جو لطيف وممتع ، وتنحل فيه الصعوبات اللي تواجهنا.
وحتى بعد انتهاء الدورة بعامين لا زالت الأستاذة فاطمة تستقبل استفساراتي ، وهالشي يمثل لي دعم نفسي ويزيد إصراري على مواجهة الصعوبات والعثرات خلال سعيي للتطور ولتحويل اللي تعلمته لمصدر دخل .
أعترف لكم بسر ؟
خلال الدورة كان واضح لي إني الأقل مستوى بين زميلاتي وخاصة إني لأول مرة أستخدم برنامج اليستريتور.
وكنت متأخرة في متابعة الدروس ومعتبرة الموضوع سهالات.
وأول لايف نسيته، ودخلته متأخرة، وحسيت نفسي ضايعة فيه لأني ما تابعت الدروس الأولى كاملة.
وأول تحدي ما طبقته لأني ما انتبهت له أصلا إلا بعد ما خلص.
لكن بعد كذا صارت دورة الباترن أهمممم شي عندي !
صرت في منتهى الحرص على الدروس وتطبيقها.
واللايفات أنتظرها وأستمتع فيها.
وزميلاتي المتفوقات علي أفرح بجمال فنهم لأننا كنا في أجواء أخوية لطيفة.
حتى بعد الدورة سوينا قروب عشان نساعد بعض إذا احتجنا شي.
ما قلت لكم لقيت نفسي في عالم جميل ❤️❤️
إذا كان تصميم الباترن مجال يجذبكم فما راح تندمون لحظة على الاشتراك في دورة فن تصميم الباترن عند مدربتنا الجميلة فاطمة محمود.
أتمنى لكم رحلة تدريبية موفقة وممتعة .
وشي أخير…
مرحلة ما بعد الدورة هي مرحلة التطور
لذلك بتصادفكم لحظات فرح عديدة كل مرة تتقنون فيها تصميم كان صعب ومستعصي عليكم في البدايات ، ولحظات دهشة من قدرات ما كنتوا عارفين إنكم تملكونها…
استمتعوا بهذي المرحلة 😘
" مريم
نوف
كنت أرسم، بس بدون هدف… رسوماتي بيني وبين نفسي، وكنت تائهة بين شغفي بالبرمجة وهوايتي بالرسم. دخلت الدورة وأنا ما أدري شنو أبي بالضبط.
بس فاطمه طريقتك بكلماتك كانت كأنك قاعده تكلمين شي داخلي… فجأة حسّيت إن في شي يربط بين هوايتي ودراستي، الحين؟ لقيت شغفي. لقيت نفسي. وعرفت إن رسمي ممكن يكون بداية مشروع حقيقي .
عبير الشافي
كنت أدور وظيفة من شهور، ما حصلت، مع إني عندي شهادات وخبرة.
ويوم حضرت دورة فن تصميم الباترن حسّيت لأول مرة إني أقدر أخلق فرصتي بنفسي.
فكرة إن رسوماتي ممكن تتحول لمنتج، مصدر دخل… ما كانت تخطر على بالي بهالوضوح.
شكراً فطامي لأنج فتحتِ لي باب كنت غافلة عنه
شهد محمد
أنا أصمم على إليستريتور من سنين. بس كنت تايهة… ما كنت أعرف شلون أستغل هالمهارة.
كورس فن تصميم الباترن علّمني أوظّفها في شي أحبه.
من أول درس فهمت إن الباترن مو بس شغل فني، هو بزنس حقيقي.
الحين عندي كولكشن صغير… وأحس إني على بداية مشروع عمري.
رأي المشتركات بالتحديات والمسابقات داخل الدورة
الدورة جميلة تبارك الرحمن الاكثر حاجة ممتعة وقت ما نجهز للفصل القادم رسومات ونجهز افكار للكوليكشن
zssmj2018
عجبتني فكرة التقسيم لأنها تساعدني اركز عالمطلوب حاليا وما اشغل بالي باللي جاي لاني مادري شنو جاي بالضبط.. وبالنسبه لي لو نزلت الدوره كامله مره وحده احتمال احس بضغط 😂💔 وبالاخير مانجز شي 🤕🤣
Fatemosh
شاكرة لج ولطريقتج في الشرح الروعه والهاديه. وطولة بالج. أنا بصراحة كنت مترددة لما سجلت. بس بعد مابدينا ماندمت اني سجلت معاج كنتي تعطين وتشرحين من قلبج . ربي يجعل لج الخير وين مارحتي
خلود
تمنيت انها ما تخلص صراحه أجوائها تشجع وتحمس 😍😅 ابيك دايم تستمرين تعلمين لان تعليمك حلو وانا ما طلعت من الكورس الا وانا فاهمه
" أمينة
انا واايد اخذ دورات و للامانة هذي من اكثر الدورات الي استفدت منها .. استمتعت فيها و انصح كل الي عندهم شغف بالتصميم ياخذووونها لان الدورات باللغة العربية في هذا المجال نادرة ..
جزء بسيط من أعمال المشتركات
"
أهنيك على انتهائك من الدورة
عبارة مفرحة ومحزنة في نفس الوقت ، مفرحة لأني أكملت الدورة لأني بدأت رحلة التصميم ،لأني تعلمت الجديد والمفيد، لأن انفتح أمامي نافذة جديدة مليئة بالتشويق
ومحزنة، لأن قربت أودع مدربتي الرائعة فاطمة وزميلاتي الجميلات الداعمات، كانت دورة ثرية وشاملة، مع مدربة أمينة، وحريصة ومعطاءة، فتحت أمامي عالم رحب
عالم تصميم الباترن اللي كنت أشوفه من بعيد ولا أتخيل نفسي قادرة عليه
عالم أدوبي إليستريتور المدهش
عالم البزنس والعمل الحر
تعلمت الكثير واستفدت الكثير في هذي الدورة
الاستفادة ما كانت فقط في المعلومات، بل على المستوى النفسي والمعنوي، وحتى على نظرتي وتخطيطي للمستقبل
أشكرك أستاذة فاطمة من كل قلبي
أشكر زميلاتي
مريم
كنت احس بصعوبة وملل في الدورات اللي تكون اونلاين بس هذه الدورة غير غير غير وايد ممتعة ومفيدة ولي اليوم ارجع اشوف واتعلم واطبق وفعلا بعد فترة احس اني محتاجة الفصول الخاصة بالبزنس لاني تخطيت مرحلة التصميم وصار وقت الشغل على البزنس وقريبا اذا ربي أراد بعلن عن انطلاقة البزنس الخاص فيني وكل الفضل يرجع لله سبحان ثم معلمتي الفاضلة فاطمه اللي لولاها ما عرفت شنو يعني تصميم الباترن ولا عرفت ان ممكن يكون في بزنس قائم عليه
والأحلى ان من سنه لي اليوم اتواصل مع المدربة لاي سؤال وتجاوبني وعمرها ما تأخرت علي شكرا من كل قلبي
" بثينه
"
جواهر
الدورة كانت رائعة استمتعناواستفدنا كثيييرا ،، من الاشياء اللي عجبني ان المدربة ما شاء الله عليها ، شرحت لنا كل الطرق بالتفصيل للدخول لعالم الباترن حتى لو ما كنتي رسامة يعني اي احد ممكن يدخل هذا العالم بدون موهبة في الرسم ويعمل من خلاله مشروع وايضا عجبني وجود التحديات خلتنا نكون اقوى ونركز جهودنا اكثر ونستفيد من الدورة بشكل اكبر وحبيت ايضا وجود لقاءات مع اصحاب المشاريع من نفس المجال وتمنيت لو تكون هاللقاءات مسجلة فيديو او حتى صوت فقط واكثر شي عجبني رحابة صدر مدربتنا وأخلاقها الحلوة وحرصها الكبير علينا واحتوائها لكل استفساراتنا بأي وقت وتشجيعها لنا هذا اللي خلانا نستمر ونبدع 💕😍
" simply quilled academy
طريقة التدرج هي اللي ميزت هذي الدوره .. اولاً نطبق كل درس على الراحه لما نستوعبه و ثانيا تخلينا دايماً في ترقب و what is next
" مريم
استمتعت معكم كثيرا
أول ما قريت دورة فن تصميم الباترن حسّيت كأن المدربة تكتب من عقلي!
كل خطوة فيها كانت منطقية وواضحة ، تحسّين اللي كاتبتها مجربة كل شي بنفسها
اللي فرق معاي؟ إن الدورة خلتني أوقف وأقول: خل أبتدي، ما راح أخسر شي!
ومن يومها وأنا كل يوم أرسم… بس مو لأي سبب… الحين عندي هدف!
"من متدربات دورة فن تصميم الباترن
