تصميم مناشف الشاي
Jun 12, 2023
دائما كنت اشوف في مواقع اجنبية فوط/ مناشف شاي، وأسال نفسي شنو هي فوط / مناشف الشاي؟ ولم اشتغلت مع الشركة الالمانية أيضا من ضمن منتجاتها فوط/ مناشف الشاي وعرفت فايدتها بالنسبة لهم
بالبداية قلت معقوله اتعب و أصمم لفوطة/ منشفة تستخدم للتنظيف وترمى!!
صار عندي فضول اني اعرف شنو هي فوطة/ منشفة الشاي عشان اقدر اصمم لها
بحثت عن استخداماتها بين قوقل و بنترست لحد مافهمت القصة
قلت اوكي خليني أجرب
وبديت اول فوطة/ منشفة بفكرة الوصفات وصفة من ورقة قديمة متهالكة، حبييييت النتيجة وحبيت الفكرة
بعدها كملت وبديت اعمل تصاميم خاصة بوصفات بطريقة مختلفة منها وصفة لقيمات بيتنا وتشيز كيك الكيوي
وهذي واحدة من الطرق في تصميم الفوطة وفي أكثر من ستايل
ممكن نستخدم الباترن بتطلع حلوة بعد
ممكن تكون ألوان كثيرة او لون واحد
كل وحدة وشنو تحب تزين فيه مطبخها
بعد ما استخدمتها حبيتها حيل
وصرت استخدمها بكذا طريقة لكن مو للتنظيف طبعا ماتهون علي تصاميمي🥺
الفكرة حلوة وممتعه
تقدرين من اي وصفة قديمة ورقة أو دفتر طبخ قديم تخليد لذكرى الوصفات القديمة
او من خلال رسوماتك البسيطة الجميلة
او من خلال باترن حلو
أو كوليكشن من الثلاث مع بعض🤗
من فترة طلبت منا الشركة أن نصمم فوط شاي لكوليكشن الصيف
وانا اشتغل على الكوليكشن طرت على بالي فكرة دورة تصميم فوط الشاي
ولان كثير سالوني بالانستغرام اشلون عملتهم
و بدون تخطيط مسبق وبدون تفكير طويل
قررت اسجل الدورة وتكون دورة صيفية خفيفة لطيفة مفيدة ومرحة
وتناسب الكبار والصغار
لو حبيتوا الفكرة
ورايكم يهمني
راسلوني عالايميل
احب اسمع منكم
