أول منتج… غيّر نظرتي للفن والفلوس
Dec 01, 2025
كنت دايما أشتغل وأرسم وأصمم…
أشياء أحبها، أعيش فيها لحظة، أفرح لما تخلص.
بس ما كنت أتصور إن هالشغف ممكن يكون مصدر دخل.
مو تقليل من قيمة شغلي … بس لأن ما فكّرت أصلاً اني أعرضه.
ويمكن… مثل كثير بنات، كنت أفكر:
“منو يبي يدفع على شي أنا سويته؟”
“في ناس أحسن مني… ليش يشترون مني؟”
لين يوم، عرضت تصميم بسيط.
وراح… وانباع… بـ 150 د.ك.
مو على السعر فرحت،
فرحت على هاللحظة اللي وحدة قالت فيها:
"أبيه."
💛 هاللحظة، غيّرت كل شي.
شنو تغيّر؟
تغيّرت نظرتي للفن…
صار مشروعي، مو بس هوايتي.
تغيّرت نظرتي للفلوس…
صارت “مقابل قيمة” مو شي أستحي منه.
والأهم… تغيّرت نظرتي لنفسي.
لأن أول منتج، حتى لو بسيط، علّمني إن شغلي يستحق ينشاف وينحب ويندفع له.
إذا تحسين إنك "مو جاهزة"…
عندي شي أقوله لك:
ترى الجاهزية مو لحظة تجي.
هي شي تبدينه، وبعدين تحسّين فيه.
وإذا تحسين إنك ما تدرين شنو ممكن تبيعين، أو من وين تبدأين…
أنا سويت دليل بسيط، فيه كل شي تمنيت أحد يقوله لي بالبداية.
اسمه:
شنو أبيع؟ – 50 فكرة ربح جاهزة للمصممات
فيه أسئلة تساعدك تعرفين شنو يناسبك، شخصيتك، وقتك…
وتلاقين فيه أفكار، أمثلة، تشجيع، وخريطة تختصر عليك شهور تفكير.
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
