اشلون صممت مفارش رمضان ٢٠٢٢؟

٢٠٢٢ هي السنه الي بدأ فيها أصنع منتجاتي بنفسي، من تصميم وخياطة

بدت الفكرة كوشيات ومنها طلعت لي فكرة مفارش الطاولة، بالبداية عملت مفارش طاوله يومية باحجام مختلفة منها وأول مفرش كان الي بالصورة مفرش ورد ناعم بألوان هادية وبعدها عمليت أكثر من مفرش بنفس ستايل الألوان

طرت على بالي فكرة مفارش رمضان وحبيت أطلع بفكرة غير عن الي موجود بالسوق، فكرت شنو الشي الي ممكن يميز مفارشي وتصاميمي ويخلي الناس تقبل علي وتشتري مني

هني ياتني فكرة مفارش فيها تصاميم كتابة عربية

بالبداية كانت الفكرة كلمات، عملت جلسة عصف ذهني لكلمات تناسب الشهر الفضيل، وطلعت منها بثلاث كلمات

غفران

رحمة

عتق

 قلت أجرب وأشوف شنو ممكن أسوي منهم، بالبداية ماكان عندي تصميم معين في بالي ، فقررت إني امتب الكلمات بأكثر من طريقة و أشوف شنو أفضل طريقة تعجبني

وفعلا، كتبت بالقلم الرصاص، بالحبر ، بالألوان المائية، بالآيباد، وحولتهم لبرنامج ادوبي إليستريتور، وبعد محاولتهم فيكتور هني عجبتني الألوان المائية أكثر الخط فيها أجمل

بعد اختيار الشكل يا وقت اختيار الألوان، شنو الألوان الي ابيها، أبي أدخل الرمادي والأزرق والأخضر

بعد اللعب الألوان استقريت على الألوان هذي

بديت بالتصميم وتركيب الديزاين وسويت أكثر من باترن حتى استقريت على هذي التصاميم

غفران

رحمة

عتق

الستايل صار كلاسيك ، شيك، أنيق

حبيت التصميم وطلبت منه عينه على نوعين من الأقمشة

وبالنهاية اخترت قماش الساتين الايالي لونه كان حلو جدا

هني حددت غفران وعتق للمفارش

 لكن رحمة كان للكوشيات، وعملت ٣ تصاميم للكوشيات سيت مع بعض الألوان متناسبة ومكملة بعض

وهذي هي التصاميم بعد ما خلصتهم وصورتهم 

أتمنى يكون الموضوع عجبكم

يسعدني اسمع آرائكم بالرد بالايميل على

[email protected]