قصة تصميم / من مزرعتي فوق السطوحي
Feb 26, 2024
جملة سمعتها أو قرأتها من متابعة وأحد مشتركات دورة فن تصميم الباترن، ولو كانت تقرأ المدونة بتعرف نفسها أكيد "حنان" ألهمتيني لصنع منتج الناس حبته 😍🩵
نرجع للبداية
كنت أقلب في الانستغرام، وقرأت هذه الجمله في الستوري وشدتني جدا، لفت انتباهي وحسيت اني يطلع منها شي حلو
خطرت في بالي فكرة منتج، منشفة / فوطة مطبخ بتصميم الخضراوات مع كتابة " من مزرعتي فوق السطوحي" قلت أكيد بيطلع شي مختلف
وفعلا عملت خططت للتصميم وبديت أرسمه
وبعد ما انتهيت طلبته من أحد المواقع وكان نوعا ما مكلف بس كنت حابة أسوف النتيجة، وكانت أكثر من رائعة 😍
فكرت أضيفه كمنتج بس قلت مو وقته الحين انتظر شوي
والانتظار طال يمكن قريب السنه
وفجأة ، وأنا أخطط لمناشف المطبخ الخاصة برمضان
قلت ليش ما أدخله معاهم خصوصا ان هو نفس الوقت موسم الزراعة المنزلية
بس قلت لازم يكون سيت أو كوليكشن من هذا التصميم
حبيت أعمل معاه نفس الرسومات بس بلون أسود فقط، البداية كان اسود وأبيض بس بعدين اخترت اللون الترابي او البيج وطلعت النتيجة جميله
وظهر هذا الكوليكشن للنور
من جملة قرأتها قبل سنه
تقدرون تشوفونه بالموقع بالضغط هنا
الإلهام كل مكان بس ننتبه للجمال اللي حولنا بنلاقيه 🩵
اشرايكم بالتصميم؟ حبيتوه؟ حبيتوا الفكرة؟
اذا عجبكم احب اسمع رايكم
على الايميل
