مبروك ما ياني 👼🏻 👼🏻

أعرفكم على أطفالي الجدد شيخ الشباب وأحلى البنات

منتج من زمان أفكر فيه وأخذ مني وقت طويل للتنفيذ والبحث عن أفضل طريقة تصنيع وبنفس الوقت أقلل من التكلفة لأن تكلفة صنع هذا النوع من البلانكيت مرتفعه

تعالوا معاي آخذكم برحلة صناعة هذا المنتج مستعدين؟

الفكرة  

فكرة البلانكيت المصنوع بطريقة التضريب أو الكويلت أحبها من سنين طويلة أكثر من ٢٠ سنة، وقبل سنة كنت أبحث عن هذا النوع بالسوق ماحصلت، كل الأنواع بلانكيت عادي بس مالقيت البلانكيت المصنوع بطريقة التضريب

طيب ليش أحب هذا النوع ؟

نوعية حلوة فيها جمال وتتوارث بين الأولاد لأنها تبقى فترة ، وكل ماتقدم تصير أجمل

وقتها قلت ليش ما أجرب وأصنعها بنفسي

وفعلا بديت بأول بلانكيت شفتوه قبل في هذا البلوق  

حبيت الفكرة جدا بعد التنفيذ وقلت لازم هذا المنتج يكون من ضمن منتجاتي، وبديت أفكر شلون أبدأ فيه 

التصميم والرسومات للقماش 

وقت اختيار التصميم، مثل ما تعرفون ان تصميم الباترن او نمط السطح مع برنامج أدوبي اليستريتور هو فن بحد ذاته، قررت أرجع لتصاميم كوليكشن من أوائل الكوليكشنات الأطفال اللي اشتغلت عليها

واللي أساسا هم يباعون مع الشركة الألمانية اللي اشتغل معها بس لأن العقد ليس حصري فأنا لي مطلق الحرية باستخدامه مره ثانية و لأي منتج 

للأولاد 

 Leo اخترت كوليكشن

 للبنات Ruby

، مع بعض التعديلات والإضافات ، ولأن تم صنع الباترن في أدوبي اليستريتور كان التعديل يتم بثواني، غيرت في الحجم وبعض الألوان وبديت في تخطيط التصميم

تصميم البلانكيت

صار وقت تصميم البلانكيت، بديت بتوزيع الزخارف لحد ما وصلت للشكل اللي أبيه ، ووصلت لنتيجة ترضيني،ضفت عليه تصاميم اضافية مو من ضمن تصاميم الكوليكشن نفسه، حسيت اني ابي اعطيه طابع الأقمشة المزدحمة واللي كأنها خياط

وحبيت أضيف لمسة عربية تميزه عن المنتجات اللي بالسوق

وضفت كلمات وجمل تقال للأطفال وعطيته البلانكيت اسم شيخ الشباب للأولاد ، وأحلى البنات للبنات

صنع المنتج

عملية تصنيع المنتج ،اختيار شركة مناسبة للتنفيذ خذت مني وقت تقريبا سنة ، لأني كنت أبحث عن كواليتي حلو سعر مناسب، ماقدرت أوصل للسعر اللي أبيه لكن على قدر الاستطاعة قللت السعر

 واليوم هذا المنتج صار على الموقع تقدرون تطلبونه من للطلب اضغط هنا 

والحين أحب أسمع منكم 

شنو رأيكم بالبلانكيت؟ حبيتوا الفكرة؟

راسلوني على الايميل [email protected]