الأخطاء الثلاثة الشائعة في تصميم نقوش الباترن/ النمط

في الفترة الماضية شفنا إقبال كبير على تصميم النقوش على الأسطح، وصرنا نشوف تصاميم كثيرة بس مو كلها تعجبنا أو تطلع حلوة. ليش؟ اشلون فيه تصاميم تطلع أحلى من غيرها؟ خل نتكلم عن أكثر 3 أخطاء في تصميم الباترن

النمط/ الباترن ما يتكرر صح

أحد الأشياء اللي تميز مصمم النقوش على الأسطح هو قدرته على إنشاء نمط يتكرر بشكل سلس ما تقدر تلاحظ وين يبدأ التصميم ووين يخلص، حلو أن يكون التصميم متجانس وسلس. إذا ما عرفت تكرر التصميم صح، هذي غلطة كبيرة، فتأكد بعد ما تخلص من تصميمك إنك تكرره أكثر من مرة وتشوف إنه متكرر بشكل سلس. حتى لو كنت مصمم محترف، إذا كنت تصمم نمط معقد، ممكن تنشغل وتسوي هالغلطة، فتأكد إنك تأخذ وقتك وتشيك على شغلك قبل ما تطبعه أو ترسله للعميل

مثال لباترن أفضل

التصميم ما فيه جاذبية

من السهل تصميم نمط يتكرر، بس من الصعب تصميم واحد يكون حلو وجذاب. إذا لقيت تصميمك ما يعجبك وحسيته ممل أو غير مشوق،  فيه أشياء صغيرة تقدر تجربها عشان ترفع مستوى التصميم. أكثر شيء على أن التصاميم ما فيها عمق. بإضافة عمق للتصميم، تضيف جاذبية. العمق يمكن تحقيقه بعدة طرق، منها تداخل العناصر، وإضافة تأثيرات التكستشر وتجربة عرض الخطوط وتغيير حجم الرسوم، بعضها كبير وبعضها صغير

اختيار ألوان غير مناسبة

تختلف الأذواق لم نوصل لمرحلة الألوان، لكن في ناس ما تعرف تختار الألوان اللي تتناسب مع بعضها. الألوان مهمة جدًا في التصميم، لوحة الألوان وتناسب الألوان مع بعضها، عملية اختيار لوحة الألوان الصح هي اللي تطلع التصميم ترفعه وتعطيه قيمه أو تنزله ويكون تصميم سيئ ، عالم الألوان عالم منفصل يجب على كل مصمم ان يتعمق فيه ويفهمه

ألوان مزعجة

ألوان متناسبة ومريحة للعين

 مع التدريب والممارسة بتلاقي انك صرت خبير في دمج ألوان متناسبة مع بعض، وهو مهارة أساسية يجب تطويرها وتحسينها باستمرار.

أتمنى أن تفكرون في هذه النقاط الثلاث المهمة في المرة القادمة لم تصممون وتشوفون تصاميمكم بعين مختلفة