٨ أسباب تجعل العملاء يشترون تصاميمك الفنية؟

"تخيلي معاي هالموقف - وصلك مسج من زبونة تقول: 'تصميمج غير حياتي!' هالكلمة البسيطة خلتني أفكر... شنو اللي يخلي الناس يحبون ويشترون تصاميمنا؟ 🤔

تعرفون شنو هو سر نجاح أي تصميم ؟ 

 المشاعر! ايه نعم المشاعر اللي يحركها التصميم أو المنتج في قلوب الناس

 قبل كم يوم كنت قاعدة في الاستوديو، أطالع تصاميمي وأفكر - ليش هالتصميم انباع بسرعة وذاك لا؟ ليش في ناس تحب هالستايل وناس ثانية تفضل غيره؟

اكتشفت شي عجيب... وحبيت اشاركه معاكم اليوم! 

 الأسباب اللي تخلي الناس تحب وتشتري تصاميمنا

أولا: المشاعر تبيع! 💕

تدرون، الناس ما تشتري تصميم - هي تشتري إحساس! مثلا 

وحدة اشترت مفرش "فيّ" لأنه ذكرها بمزرعة جدها ولمس مشاعر حلوة عندها 

ثانية حبت مفرش "رملة" لأنه عطاها إحساس بالدفا والراحة ولأن هذا اللون اللي تدوره دايما

 نصيحة لكل مصممة: لا تبيعين بس التصميم - بيعي القصة والإحساس اللي وراه!

ثانيا: الشخصية المميزة 🎨

تدرون شنو لاحظت؟ الناس تحب تشتري من فنان له شخصية واضحة. يعني

يكون عندك ستايل خاص

تعرفين تعبرين عن نفسك

تشاركين قصصك وإلهامك

ثالثا: الجودة تتكلم ✨

صح إن المشاعر مهمة، بس لا تنسين جودة التصميم ، دقة التنفيذ ،اهتمامك بالتفاصيل، كلها أشياء تخلي الناس تثق في شغلك!

رابعا: القصة الحقيقية📖

تعرفون شنو أحلى شي سمعته من عميلة؟ قالت: "حبيت تصميمك لأني اعرف قصته!"

شاركي مراحل التصميم، احكي عن إلهامك، اشرحي ليش اخترتي هالألوان

خامسا: التميز والفخامة 👑

الناس تشتري الفن لأنه يعطي بيتهم لمسة مميزة ، يخليهم يحسون بالفخامة ،و يعبر عن ذوقهم الراقي

سادسا: الإلهام والتأثير 💫

تصاميمج ممكن تلهم غيرك ، تفتح آفاق جديدة ، و تخلي الناس يفكرون بطريقة مختلفة

سابعا:"الندرة تجذب ⏰

نصيحة من القلب

اعملي إصدارات محدودة

حطي عروض خاصة

خلي في شي مميز ما يتكرر

ثامنا: دعم المحلي 🏡

الناس تحب تدعم الفنانين المحليين ، المواهب الكويتية و الإبداع المحلي

نصيحة أخيرة - ومهمة وايد! 

لا تبيعين بس تصميم... بيعي

 تجربة كاملة ، ذكرى حلوة و إحساس مميز

وأهم شي - كوني صادقة! الناس تحس بصدق الفنان وشغفه 💕

حابة تتعلمين تصميم الباترن؟ 

 اشتركي بتحدي تصميم الباترن وتحدي نفسك خلال ٣ أيام تتعلمين تصميم الباترن واللي من خلاله يكون عندج مصدر دخل جديد ،شاهدي التفاصيل هنا

وترقبي فتح التسجيل في عضوية أنت قوة إبداعية (فيها أسرار ما انقالت اليوم 😉) سجلي بقائمة الانتظار هنا

يالله - شاركوني تجاربكم! شنو اللي يجذبكم لتصميم معين؟ ليش تشترون فن؟